КАРАНТИН ПРИКАЗНИ – Пишува: 🎬 Јована Нановски а.к.а Јоки Поки, сопственичка на ,,Нано Бар”
Дејствието се случува во Скопје, 2020 година, за време на карантин….
Гарантирам дека нашиве комшии попрво би фатиле корона отколку да нè слушаат нас 24/7. Три дена сме дома, ТИНЕЈЏЕРОТ урла, пушта музика, вришти, БАБАТА наоѓа маани на сè, дури и на ,,џенералката” и ручекот. ТАТКОТО со задоволство е вклучен во работната акција и на секои 15 минути се потсмевнува под брк. Е, МАЈКАТА, седи, пие кафе и си ги средува ноктите и сите ја караат 😁. Само КУЧЕТО молчи и – збунето е!!! Мислам дека и КУЧЕТО ќе се пресели кај комшиите ако продолжиме вака 😂😂😂.
#
Продолжениов викенд некако многу долг, како Нова Година во март, ама без руска и кифлички. Едни од комшиите веќе си подготвуваат карантин во подрумот доле, но не заради коронавирус, туку – не можат да нè поднесат веќе од пеење, вриштење и мирис на чудни мирудии.
ДЕТЕТО си тера по свое, по цел ден пее, вришти и нè манипулира. На БАБАТА и` е малку зарипнат гласот, но супер се држи, може таа и повеќе. ТАТКОТО денеска го исчисти бојлерот од бигор и ја размонтира туш кабината. Па, не може да се бањаме секој ден, бе, ако сакаш да се бањаш – оди склопи си ја кабината и избањај се.
[divider style=”solid” top=”20″ bottom=”20″]
МАЈКАТА, како по обичај, дреме на социјални мрежи и дава морална поддршка. Денов беше лудница, Шпанецот искрши јазик да зборува македонски, а “ИСТАНБУЛСКАТА НЕВЕСТА” конечно се омажи. Мислам дека КУЧЕТО најмногу пати, не му е јасно зошто му ја украдовме приватноста (бај д веј некој го облекол кучето во AC/DC маица, претпоставете кој). И, еве така, пред да си легнеме, сите заедно со КУЧЕТО ја испеавме “НЕ МОЖЕ НАМ НИКО НИШТА, ЈАЧИ СМО ОД СУДБИНЕЕЕЕЕЕЕ”.
#
Еве, после пет дена сфативме дека не сме биле на продолжен викенд, туку дека сме на принуден одмор. БАБАТА излезе уште посабајлечки, рече ќе оди да доручкува на клупа во парк, во мир. Ние што останавме дома, решивме еден голем проблем после долги години – немаме веќе распар чорапи. ТАТКОТО зема да ја чисти терасата, најдовме некои ствари и од минатиот век, Германците што ги оставиле на бегање.
ДЕТЕТО за овие неколу дена е видно пораснато, ама во ширина, ни го прегоре и светлото во фрижидер. КУЧЕТО цел ден лежи на грб со дигнати нозе во вис, подоцна сфативме дека изело некои колачи со ,,она на м”.
Попладнето игравме бриџ, со влог. Бидејќи немаме пари, влогот беше во брашно, квасец и грав. БАБАТА победи и ни го собра цело брашно, додуша ние намерно изгубивме. Само она знае да меси и да готви во куќава. На крај, нормално, како по протокол се испокаравме сите, бидејќи ни се дупнаа 2-3 кеси брашно.
Е, ова е ВОНРЕДНА СОСТОЈБА!
[ПРОДОЛЖУВА..]
ПРОЧИТАЈТЕ ПОВЕЌЕ: ГЕРМАНИЈА ОДИ ВО КАРАНТИН: СЕ ЗАТВОРА СÈ, ЌЕ РАБОТАТ САМО УЧИЛИШТА И МАРКЕТИ
[divider style=”solid” top=”20″ bottom=”20″]
[facebook]
