Ако успее, тогаш мора да победи во Пенсилванија, каде што проекциите се во прилог на Бајден и во Северна Каролина за потребните 270 гласачи.Официјални лица од Пенсилванија објавија дека ќе ги пребројат гласовите до петок, а Ен-Би-Си објави дека Северна Каролина нема да ги ажурира своите резултати до 12 ноември.
По пребројувањето на 95 проценти од гласовите, Трамп во Северна Каролина во моментов води со 50,1 процент во споредба со Бајден со 48,7 проценти.
Кога ќе знаеме?
Државниот секретар на Џорџија, Бред Рафенспергер, очекува пребројувањето на гласовите во неговата сојузна држава да трае до четврток наутро, пренесува Би-Би-Си.
Републиканскиот претседател води таму со 39.000 гласови, но треба да се избројат уште 200.000. Бајден има големи шанси да ја собори таа сојузна држава, што претседателот Барак Обама не успеа да го стори двапати.
Аризона, каде Бајден во моментов води со скоро 80.000 гласови по преброени 86 проценти, исто така, ќе објави нови податоци во попладневните часови по средноевропско време.
Судски тужби за од изборниот штаб на Донал Трамп
Неговиот персонал во средата поднесе тужби со барање за запирање на пребројувањето на гласовите во Џорџија, Пенсилванија и Мичиген и побараа пребројување на гласовите во Висконсин.
Во меѓувреме, шефот на кампањата на Бајден ги осуди изјавите на Трамп за наводната измама, а кандидатот на демократите изрази уверување дека е „на пат кон победата“.
,,Не зависи од мене и Доналд Трамп да го објавиме победникот на овие избори. Останува на гласачите”, рече Бајден повикувајќи на американско единство по изборите.
