Забраната се однесува на пластични кеси со дебелина помеѓу 15 и 50 микрометри, кои се стандардни вреќи кои се користат во малопродажбата.Пластичните кеси за пакување овошје и зеленчук, како и пластичните кеси изработени од подебел материјал наменет за повеќекратна употреба, се изземени од забраната.
„Пластичната кеса е синоним за непотребно трошење на ресурси“, рече министерката за животна средина, Свења Шулце (Социјалдемократска партија на Германија – СПД).
ПРОЧИТАЈТЕ ДРУГО: Бранко, здраво и збогум – дојдоа нови деца во СДСМ, не знаат ни како изгледаш!
[divider style=”solid” top=”20″ bottom=”20″]
Според неа, платнените вреќи, корпи и пластични гајби за повеќекратна употреба се „добра алтернатива“ за пластичните кеси.
Еколошката организација WWF ја поздрави забраната за пластични кеси во Германија, но во исто време рече дека забраната има „само симболична тежина“.
„Помалку од еден процент од потрошувачката на пластика во Германија отпаѓа на пластичните кеси“, се вели во соопштението на WWF.
Партијата на зелените исто така го поддржа законот во парламентот, но смета дека трендот на употреба на пакување за еднократна употреба не е запрен.
Опозициските партии, Алтернатива за Германија и Либералдемократската партија, гласаа против законот бидејќи сметаат дека тоа е нефер мерка за германската малопродажба без видлив ефект врз животната средина, со образложение дека таа се однесува само на германските продавници, додека другите земји на ЕУ не се засегнати од законодавството. .
Пратеникот на АфД, Андреас Блек, посочи дека договорот меѓу малопродажбата и федералната влада за намалување на употребата на пластични кеси, постигнат пред две години, дал резултати и ја намалил употребата на кеси за две третини.
„Законот за забрана за пластични кеси е најбесмислената забрана за животната средина во овој изборен период“, рече Блек.
Во последните две години, огромното мнозинство на ланци за самопослужување целосно ги укинаа пластичните кеси.
