Освен Солун, кој има близу еден милион жители, во црвената зона се и градот Лариса, во центарот на земјата, како и регионалната единица Родопа на северо-истокот, рече Мицотакис на владиниот состанок.
Премиерот: Пред нас е втор бран, посилен од првиот
„Од денес, мора да се применат итни мерки во црвените зони – во Солун, Лариса, Родопите – што значи прекинување на повеќето услуги, но не и во малопродажба, како и затворање на училиштата“, нагласи Мицотакис, додавајќи: „Се соочуваме со втор бран, посилен од пролетта. Нашиот здравствен систем е под најсилен притисок досега“.
Карантинот во овој момент не е опција
Исклучувајќи општ карантин како шестнеделниот пролетва, Мицотакис рече дека утре ќе објави „план за едномесечно дејствување за да се избегне најлошото“.Од почетокот на неделава, бројот на новозаболени лица во Грција е скоро двојно зголемен – од 790 во неделата на 1.547 оваа среда.
Затоа, Грција, ќе воведе полициски час од 22:30 до 3 часот по полноќ во Атина и Солун, двата града погодени од коронавирус, каде живеат речиси половина од населението во земјата (10,9 милиони). Грција останува помалку погодена од другите европски земји, со вкупно 43.229 лица погодени од епидемијата кон крајот на февруари и 603 смртни случаи.
Повеќе од 100 лица во моментов се на интензивна нега, според просекот на возраст од 65 години, според здравствените служби.
