Јосиф Михајловиќ – Јурукоски, архитектот на цело централно градско подрачје на денешно Скопје во 30-те години од минатиот век, на хидроцентрала и брана Матка, зграда на Собрание, Градска болница, плоштадот, Офицерски, градбите на улица Максим Горки, веќе седум децении – има уличка од 50 метри под Кале. Една мала, неугледна уличка.
Така решиле минатите власти. Тој не е роден Србин, потекнува од с.Тресонче (З.Македонија, Мијак), но бил градоначалник во времето на српска окупација. И тоа му е ,,грев” што го ,,спикале” некаде во темен сокак. Добро, му натоварија и други прикаски.
Слободно може да се констатира дека Јосиф Михајловиќ е најуспешниот градоначалник на Скопје – и по 100 години! Тој од Скопје, град во кој луѓе не виделе асфалт и струја – прави метропола. Умира млад, на 54 години. На погребот присуствувале повеќе од 10.000 граѓани, особено од мијачијата.
И толку е муабетот околу имиња на улици.
Денеска, улица може да ,,купи” кој сака. Со пари и политички договори.
А, историјата никој не ја знае. А, сакаме држава во ЕУ!
Е, нема. Во ЕУ знаат и кој број на чорапи носеле нивните претци. И им се изложени во музеи.
🔴 ПРОЧИТАЈТЕ ПОВЕЌЕ:
https://joci.mk/2021/02/16/%D0%BA%D0%BE%D0%BB%D0%B8%D1%88%D0%B5%D0%B2%D1%81%D0%BA%D0%B8-%D0%BD%D0%B8%D0%B2%D0%B8%D1%86%D0%B8-%D0%B4%D0%B5%D1%98%D0%B2%D0%B8%D0%B4-%D0%B1%D0%BE%D1%83%D0%B2%D0%B8-%D1%86%D1%80%D0%B5%D1%88%D0%BE/
[divider style=”solid” top=”20″ bottom=”20″]
[facebook]
