Имунитетот на коронавирусот трае најмалку една година, можеби цел живот, а со текот на времето ќе се подобрува, особено по вакцинирањето, покажуваат две нови студии. Овие откритија можат да помогнат да се смират стравувањата дека заштитата од вирусот ќе трае кратко. Студиите сугерираат дека на повеќето луѓе кои се опоравиле од Ковид-19 и кои подоцна биле имунизирани – нема да им треба засилена заштита.
Вакцинираните лица кои никогаш не биле заразени, најверојатно ќе имаат потреба од дополнителни инјекции, како и малцинството кое е заразено, но немало силен имунолошки одговор, пишува ,,Њујорк Тајмс”.
Двете студии анализирале луѓе кои биле изложени на коронавирус пред околу една година. Клетките кои ја задржуваат меморијата на вирусот преживуваат во коскената срцевина и можат да ослободат антитела кога и да е потребно, покажува една студија објавена во понеделникот во списанието ,,Nature”. Друга студија објавена на ,,BioRxiv”, веб-страница за биолошки истражувања, открила дека овие таканаречени мемориски Б-клетки продолжуваат да созреваат и зајакнуваат најмалку 12 месеци по првичната инфекција.
Долготраен имунитет
„Трудовите се во согласност со растечката литература што укажува на тоа дека имунитетот предизвикан од инфекција и вакцинација против САРС-КоВ-2 е долготраен“, рече Скот Хенсли, имунолог од Универзитетот во Пенсилванија, кој не беше вклучен во студијата.
Б-клетките на меморијата, произведени како одговор на инфекцијата со САРС-КоВ-2 и засилени со вакцинација, се толку моќни што спречуваат дури и соеви на вирусот, што значи дека нема потреба од ревакцинација, изјави Мишел Нусенцвејг, имунолог на Универзитетот Рокфелер во Њујорк.
,,Луѓето кои биле заразени и вакцинирани навистина развиваат одличен одговор, одличен сет на антитела, бидејќи продолжуваат да ги развиваат своите антитела. Очекувам да трае многу долго”, изјави тој.
Околу фактот дали на луѓето кои немале Ковид-19 и кои биле вакцинирани, можеби сè уште им е потребна дополнителна инјекција, д-р Нусенцвајг рече:
,,Ќе дознаеме многу, многу скоро”.
Меморија Б-клетки
По првата средба со вирусот, Б-клетките брзо се размножуваат и произведуваат антитела во големи количини. Штом акутната инфекција се реши, мал број на клетки се населуваат во коскената срцевина, постојано испуштајќи скромни нивоа на антитела. За да ги разгледаат мемориските Б-клетки специфични за новиот коронавирус, истражувачи, предводени од Али Елебеди од Универзитетот во Вашингтон во Сент Луис ја анализирале крвта на 77 луѓе во тримесечни интервали. Почнувајќи по еден месец од инфекцијата со коронавирус. Само шест од тие 77 лица биле хоспитализирани за Ковид-19, останатите имале лесни симптоми.
Нивото на антитела кај овие лица брзо се намали четири месеци по инфекцијата и продолжи да се намалува полека со месеци потоа. Некои научници го толкуваат ова намалување како знак на пад на имунитетот, додека други велат дека тоа е токму она што се очекуваше. Ако крвта содржела големи количини на антитела од секој патоген со кој некогаш се сретнало телото, таа брзо би се претворила во густ талог. Наместо тоа, нивото на антитела во крвта нагло паѓа по акутна инфекција, додека клетките од Б-меморијата остануваат во мирување во коскената срцевина, подготвени за акција кога е потребно.
Д-р Елебеди и неговите колеги зедоа примероци од коскена срцевина од 10 лица околу седум месеци по инфекцијата со коронавирус. Петнаесет од нив имаа мемориски Б-клетки, но четири немаа, што укажува на тоа дека некои луѓе имаат многу малку клетки или воопшто немаат.
„Ни кажува дека и покрај инфекцијата, можеби немаме најдобар имунолошки одговор“, изјави д-р Елебеди.
Ова откритие сугерира дека луѓето кои се опоравиле од Ковид-19 треба да се вакцинираат. Пет учесници во студијата на д-р Елебеди донираа примероци од коскена срцевина седум или осум месеци по првичната инфекција и повторно четири месеци подоцна. Бројот на мемориски Б-клетки се покажа дека останува стабилен во овој период.
Важна студија од 2007 година покажа дека антителата теоретски можат да преживеат со децении, можеби дури и далеку над просечниот животен век, што укажува на долгорочно присуство на мемориски Б-клетки. Но, новата студија понуди ретки докази за нивното постоење.
Имунитет со години?
Американскиот сенатор Ренд Пол, републиканец од Кентаки, во неделата изјави дека не сака да прима вакцина против коронавирус затоа што бил заразен во март минатата година и затоа е имун. Но, не постои гаранција дека ваквиот имунитет ќе биде доволно силен за да го заштитува со години, особено со оглед на појавата на сорти на коронавируси кои можат делумно да ја заобиколат одбрамбената моќ на организмот.
Резултатите од студијата на д-р Нусенцвајг покажуваат дека луѓето кои се опоравиле од Ковид-19 и кои биле вакцинирани подоцна, сепак ќе имаат исклучително високо ниво на заштита од нови видови, дури и без дополнителна вакцинација.
„Сè работи точно како што би се надевале дека ќе изгледа еден добар одговор на меморијата на Б-клетките“, рече Марион Пепер, имунолог од Универзитетот во Вашингтон во Сиетл.
Сите експерти се согласија дека имунитетот кај луѓето кои никогаш немале Ковид-19 веројатно ќе биде многу различен. Борбата против жив вирус е различна од реакцијата на еден вирусен протеин воведен со вакцина. И кај оние кои имале Ковид-19, првичниот имунолошки одговор имал време да созрее за шест до 12 месеци пред вакцината да ја активира.
🔴 ПРОЧИТАЈТЕ ДРУГО:
[divider style=”solid” top=”20″ bottom=”20″]
[facebook]
