Бројот на смртни случаи поврзани со Ковид-19 во Европа наскоро ќе надмине 300.000, а властите стравуваат од пораст на бројот на заразени и мртви со доаѓањето на зимата и покрај надежите за вести за висока ефикасност на вакцината.
Европа сочинува само 10 проценти од светската популација, но има речиси четвртина од 50,7 милиони заразени во светот и 1,2 милиони мртви, па дури и болниците на стариот континент, кои се опремени – се силно оптеретени.
Европа беше зафатена од пандемија на почетокот на оваа година, а новиот бран беше посилен кон крајот на летото, па властите повторно прибегнаа кон низа ограничувања.
Европа минатата недела достигна 12,3 милиони случаи на инфекција и 295.000 смртни случаи. Минатата недела во Европа имало 280.000 заразени лица дневно, што е за 10% повеќе од една недела порано и повеќе од половина од сите нови инфекции во светот.
Вакцината буди надеж
Надежта и оптимизмот беа предизвикани од најавата на фармацевтскиот гигант ,,Pfizer Inc” дека нивната вакцина има постигнато поголема ефикасност од 90% во клиничките испитувања, но нема да биде достапна до 2021 година за поширока употреба и здравствените системи ќе мора да ја надминат заразната криза во зимските месеци.
Експертите во Обединетото Кралство, кое има најголема стапка на смртност во Европа – 49.000 смртни случаи – предупредуваат дека ако продолжи сегашниот тренд на повеќе од 20.000 нови инфекции на ден, земјата може да се соочи со најлошото сценарио – 80.000 смртни случаи.
Франција, Шпанија, Италија и Русија потврдија стотици смртни случаи на ден и овие пет земји заедно сочинуваат скоро три четвртини од сите смртни случаи во Европа.
Соочени со сличен притисок, болниците во Белгија и Холандија беа принудени да испраќаат пациенти во Германија.
Тешка состојба во Италија
Италија, која стана симбол на коронската криза во светот, оваа пролет, кога воените камиони мораа да ги превезуваат мртвите од болниците, достигна дневно просек од повеќе од 32.500 случаи. Бројот на смртни случаи исто така расте и изнесува над 320 на ден во изминатите три недели.
Властите во европските земји се надеваат дека вакцината ќе донесе олеснување во 2021 година.
Претседателот на Европската комисија Урсула фон дер Лајен во понеделникот, само неколку часа откако „Фајзер“ објави ветувачки резултати од клиничко испитување, изјави дека Европската унија наскоро ќе потпише договор за снабдување на 300 милиони дози на вакцината.
Сепак, здравствените експерти предупредија дека вакцината не е семоќна, на пример, генетскиот материјал од кој е направена мора да се чува на температура под 70 степени Целзиусови.
Ваквите барања претставуваат големи предизвици во земјите во Азија, Африка и Латинска Америка каде што температурите се високи, а инфраструктурата е слаба.
[divider style=”solid” top=”20″ bottom=”20″]
[facebook]
