Израел објави дека отвори амбасада во Обединетите Арапски Емирати, нешто повеќе од четири месеци по потпишувањето на договорот за нормализирање на врските со таа арапска монархија во Персискиот Залив.
„Израелската амбасада во Абу Даби беше официјално отворена денес со доаѓањето на шефот на канцеларијата Ејтан Наех“, се вели во соопштението на израелското Министерство за надворешни работи, додавајќи дека израелската делегација ќе работи на понатамошно „зајакнување“ на врските меѓу двете земји.
The Israeli embassy in #AbuDhabi officially opened today with the arrival of the Head of Mission, @AmbassadorNaeh.
The Israeli embassy in the United Arab Emirates will promote the full range of relations between the two countries in all areas.🇮🇱🤝🇦🇪
📎https://t.co/MTtMVbatDi pic.twitter.com/ijV1qTVrWz
— Israel Foreign Ministry (@IsraelMFA) January 24, 2021
Израел неодамна потпиша договори за нормализирање на врските со четири арапски земји: Обединетите Арапски Емирати и Бахреин, но и Судан и Мароко, под покровителство на САД за мандатот на Доналд Трамп.
Израелската влада исто така официјално го ратификуваше договорот со Мароко во неделата, кој сè уште не е одобрен од Парламентот.
Палестинците ја осудуваат нормализацијата на врските меѓу Израел и арапските земји
Веднаш по тој бран на нормализација, Емиратите и Израел потпишаа низа трговски договори во областа на прехранбената индустрија, туризмот и високите технологии.
Емиратите, претходно, го одобрија отворањето на својата прва амбасада во Тел Авив, израелска метропола, во која живеат повеќето дипломатски мисии, бидејќи не го признаваат Ерусалим за главен град на Израел.
Палестинците ја осудуваат тековната нормализација на врските меѓу Израел и арапските земји, велејќи дека треба да се најде решение за израелско-палестинскиот конфликт пред овој процес, а не по него.
Пред Емирати, Египет и Јордан беа единствените арапски земји кои имаа дипломатски односи со еврејската држава откако потпишаа мировни договори во 1979 и 1994 година, со што се стави крај на воената состојба со соседот на Израел.
[divider style=”solid” top=”20″ bottom=”20″]
[facebook]
