Министерството за внатрешни работи (МВР) треба да престане да се влече на Јавно обвинителство за бегството на Сашо Мијалков. На МВР не му треба налог за да спречи бегство. Има систем и начин, рече Павле Трајанов, лидерот на ,,Демократски сојуз” во ,,Студио 10″ на ТВ24.
Тој ги коментираше мерките на претпазливост кои требале да ги преземат МВР и Агенцијата за национална безбедност (АНБ).
– Нема законски пречки, службите за безбедност да собираат информации. Катастрофа е службите да немаат информации. Или не функционираат или некој ги блокирал. Сите зборуваа за бегство – посочи Трајанов.
МВР и другите безбедносни институции, според него, треба да поднесат извештај што било преземено и кои механизми и капацитети биле активирани по информациите дека лицето е во бегство – дали навреме ги информирале пограничните служби.
Меѓудругото Трајанов ја оквалификува како глупост изјавата дека службите го следеле телефонот, кој во одреден момент корисникот може и намерно да го остави во некое такси и да се вози низ цел град.
– Ние ќе го следиме телефонот. Глупости – рече тој.
Во однос на прашањето дали може во откривањето на Мијалков да помогнат служби од други земји, Трајанов, беше дециден дека доколку се подигне нивото на интерес за овој случај на повисоко ниво – нема да го штити ниедна служба.
[divider style=”solid” top=”20″ bottom=”20″]
[facebook]
