– По објавеното сведоштво за непостапување на институциите при спасување човечки живот на непристапен терен, Хелсиншкиот комитет за човекови права се обрати до општината Кратово и до Дирекцијата за спасување и заштита, со барање за информации за тоа кои дејствија ги презеле откако биле известени за несреќниот настан. Случајот со јавноста го сподели лекарот Павле Зафиров, кој обидувајќи се да спаси човек со здравствен проблем, во завеано планинско место во близина на Кратово, не добил помош од ниедна институција до која се обратил. По неуспешните обиди да добијат помош од надлежните општински власти, Зафиров, заедно со медицинскиот техничар и роднините на лицето, биле приморани сами да го пренесат до најблиската здравствена установа, после петчасовно движење низ екстремно стрмен и завеан предел – се вели во соопштението на Хелсиншки комитет.
Комитетот испратил и барање за вонреден инспекциски надзор до Државниот инспекторат за локална самоуправа, поради тоа што Општината не ги преземала сите дејствија за кои е надлежна согласно Законот за заштита и спасување.
– Доколку контактираните институции навистина немале можност сами да спроведат акција за спасување на лицето, градоначалникот имал обврска да побара ангажирање на републичките сили за заштита и спасување, како што одредува членот 35 од овој закон – додаваат од таму.
Хелсиншкиот комитет инсистира на брзо расчистување на овој случај и бара одговорност од сите надлежни поединци и институции, кои не реагирале во една ваква животозагрозувачка ситуација. Ваквиот неетички и противзаконски однос, манифестира екстремна небрежност и кон лицето во тешка здравствена состојба, но и кон здравствените работници и другите лица кои учествувале во неговото спасување.
[divider style=”solid” top=”20″ bottom=”20″]
https://m.facebook.com/story.php?story_fbid=10224718616021159&id=1484443344
[divider style=”solid” top=”20″ bottom=”20″]
[facebook]
