Пред точно еден век во Скопје, Нова Година традиционално се прославувала во Офицерскиот дом. Се подготвувала претстава со старица потпрена на стап, која точно на пладне си заминувала, а наместо неа, доаѓала млада девојка која имено ја претставувала новата година. Претставата била надополнета со воен оркестар, се организирала лотарија, а добитниците добивале печено прасе и торта.
Во Офицерскиот дом, изграден и пуштен во употреба во 1929 година, подоцна урнат во земјотресот 1963 година, се прославувала и Стара Нова Година – со крофни во кои се делела златна паричка.
Историските податоци велат дека камен темелникот на Офицерскиот дом бил поставен во 1925 година, а зградата е осветена во 1929 година. Изградена била во време на скопскиот градоначалник Јосиф Михајловиќ, по проект на рускиот архитект, Вилијам Баумгартнер и била подарок од Александар Караѓорѓевиќ Први.
Пречек на Новата Година, освен дома и во Офицерски дом, се организирала и по кафеаните ,,Метропол”, ,,Бристол” и ,,Балкан”.
Празникот Бадник, пак, се организирал на плоштадот каде се варела ракија во голем казан и се собирале многу луѓе кои доаѓале со пајтони. На Бадник се месела погача со паричка, а се готвеле посни јадења – сарма, грав, риба. Други верници меселе погача со паричка на Василица.
РЕТРО СКОПЈЕ, ПРОЧИТАЈТЕ ДРУГО:
