Бидејќи Петре Шилегов нема со што да се пофали во Скопје, ништо капитално и грандиозно не изгради, четири години се слика само пред сликички со Универзална сала, ,,Бас транзит”, Луна парк, Градска куќа, тунели, мостови, ете – ќе си сече црвени ленти во Црна Гора.
Цепки е човеков кој по грешка изгледа заврши во градоначалничка фотелја на Скопје! Со други зборови, со еден голем ,,компир” ќе бара втор мандат од скопјани.
Денешно соопштение од Град Скопје:
ГРАДОНАЧАЛНИКОТ ШИЛЕГОВ ВО ОФИЦИЈАЛНА ПОСЕТА НА ПОДГОРИЦА ПО ПОВОД ДЕНОТ НА НЕЗАВИСНОСТА НА ЦРНА ГОРА
По повод одбележувањето на Денот на независноста на Црна Гора, 21. Мај, градоначалникот Петре Шилегов со делегација од Град Скопје, реализираше официјална посета на Подгорица, каде се сретна со градоначалникот Иван Вуковиќ.
Во рамките на посетата Градоначалниот Шилегов присуствуваше на свеченото отворање на реконструираната Куслевова Куќа, која претставува еден од најстарите објекти во центарот на Подгорица, изградена во почетокот на XX век.
По тој повод градоначалникот Вуковиќ изрази особено задоволство од присуството на градоначалникот Шилегов, особено заради македонското потекло на доктор Христо Куслев кој, како што нагласи, претставува симбол на историската врска и пријателство на двата народи.
Градоначалникот Шилегов и делегацијата на Град Скопје присуствуваа и на поставувањето на камен темелникот на новото училиште во населбата Толоши, како и на завршувањето на изградбата на југо-западната обиколница на Подгорица и новиот мост на реката Морача.
По повод денот на независноста во рамките на свечените активности беше реализирана и посета на Престолнината Цетиње, музејот на Кралот Никола и откривањето на новиот споменик на црногорската принцеза и италијанска кралица Јелена Петровиќ Савојска, која претставува една од најзначајните жени во црногорската историја.
🔴 НА ИСТАТА ТЕМА, ПРОЧИТАЈТЕ:
https://joci.mk/2021/03/02/%D1%88%D0%B8%D0%BB%D0%B5%D0%B3%D0%BE%D0%B2-%D0%B3%D1%80%D0%B0%D0%B4%D0%B8-%D0%BD%D0%B0-%D1%85%D0%B0%D1%80%D1%82%D0%B8%D1%98%D0%B0-%D0%BD%D0%B5%D0%BC%D0%B0-%D0%BB%D1%83%D0%BD%D0%B0-%D0%BF%D0%B0/
[divider style=”solid” top=”20″ bottom=”20″]
[facebook]
